കുരുന്നുകൾക്ക് ആദ്യാക്ഷരം കുറിച്ച് ഉമ്മൻചാണ്ടി

ദേശീയ ബാലതരം​ഗത്തിൻ്റെ ആഭിമുഖ്യത്തിൽ കുരുന്നുകൾക്ക് ആദ്യാക്ഷരം പകർന്ന് നൽകി. കഴിഞ്ഞ 20 വർഷമായി നടത്തിവരുന്നതാണ് ആദ്യാക്ഷരവേദി. ഇക്കുറി  മുൻ മുഖ്യമന്ത്രി ഉമ്മൻചാണ്ടി കുരുന്നുകൾക്ക് ആദ്യാക്ഷരം കുറിച്ചു. തിരുവനന്തപുരം ജ​ഗതിയിലെ ഉമ്മൻചാണ്ടിയുടെ വസതിയിലായിരുന്നു ചടങ്ങ്. ദേശീയബാലതരം​ഗം ചെയർമാൻ അഡ്വ. റ്റി ശരത്ചന്ദ്ര പ്രസാദ് അധ്യക്ഷനായി.
കോവിഡ് പ്രോട്ടോകോൾ പാലിച്ചുകൊണ്ട് വിവിധ മതസ്ഥരായ ഇരുപതോളം കുട്ടികൾക്കാണ് ഉമ്മൻചാണ്ടി വിദ്യാരംഭം നടത്തിയത്.

നിയമസഭയിൽ 50 വർഷം പൂർത്തിയാക്കിയ ഉമ്മൻചാണ്ടിയെ ചടങ്ങിൽ ആദരിച്ചു.
കഴിഞ്ഞ പ്ലസ്ടു പരീക്ഷയിൽ 1200 ൽ 1200 മാർക്കും കരസ്ഥമാക്കിയ ദേശീയ ബാലതരം​ഗം സംസ്ഥാന പ്രസിഡൻ്റ്  ശലഭയെ ഉമ്മൻചാണ്ടി ഉപഹാരം നൽകി അഭിനന്ദിച്ചു.