തമിഴന്റെ അഭിമാനം; മലയാളി സംഭാവന

ഇതാണ് തമിഴ് തായ് വാഴ്ത് എന്ന തമിഴ്നാടിന്റെ ഔദ്യോഗിക ഗാനം .

ഇത് രചിച്ചതാകട്ടെ മനോന്മണീയൻ സുന്ദരം പിള്ളൈ എന്ന ആലപ്പുഴക്കാരനും !

തമിഴന്റെ ആത്മാഭിമാനം ഉയർത്തിപ്പിടിക്കാൻ മഹാകവി ഭാരതിയാർ ഉയർത്തിയ മുദ്രാവാക്കിയം “തമിഴൻ ഇന്ഡര് സൊല്ലടാ തലൈ നിമിർന്തു നില്ലടാ” എന്നത് ഇത് പോലെ തന്നെ തമിഴ് വികാരം ജനിപ്പിക്കുന്ന ഒരു മുദ്രാവാക്യമാണ് തമിഴർക്ക് . ആലപ്പുഴയിൽ താമസമുറപ്പിച്ച തമിഴ് കുടുംബത്തിൽ ജനിച്ച സുന്ദരം പിള്ളൈ ആണ് തമിഴ് തായ് വാഴ്ത് എന്ന മനോഹര സംഗീതം രചിച്ചത്. 1970 ലാണ് ഇതിനെ തമിഴ്നാടിൻറെ ദേശീയ ഗാനമായി അന്നത്തെ കരുണാനിധി സർക്കാർ പ്രഖ്യാപിച്ചത് .

42 ആം വയസിൽ 1897 ൽ മരിച്ച മനോന്മണീയന്റെ പേരിൽ ഉള്ളതാണ് മനോന്മണീയൻ സുന്ദരനാർ എന്ന തിരുനെൽവേലിയിൽ ഉള്ള സർവകലാശാല . അദ്ദേഹത്തിന്റെ ഏക പുത്രനാണ് പിന്നീട് തിരു കൊച്ചി ധനമന്ത്രിയും ഭരണഘടനാ അസ്സെംബ്ലിയിൽ അംഗവുമായി തീർന്ന പി എസ് നടരാജ പിള്ള. ഇതിനു സംഗീതം നിർവഹിച്ചതാകട്ടെ എം എസ് വിശ്വനാഥൻ എന്ന പാലക്കാട്ടുകാരനും. ഈ ഇലപുള്ളികാരൻ തിരൈ ഇസൈ ചക്രവർത്തി അഥവാ തമിഴ് സിനിമ സംഗീതത്തിന്റെ ചക്രവർത്തി പട്ടത്തിനും ഉടമയാണ്. ചുരുക്കി പറഞ്ഞാൽ തമിഴന്റെ ദേശീയ ഗാനം എഴുതിയതും മലയാളി, കംപോസ് ചെയ്തതും മലയാളി !