സിപിഐഎം ആലപ്പുഴ ജില്ല കമ്മിറ്റി യോഗത്തില്‍ ജി സുധാകരന് രൂക്ഷ വിമര്‍ശനം. തെരഞ്ഞെടുപ്പ് പ്രചാരണത്തില്‍ സജീവമായില്ലെന്നും അമ്പലപ്പുഴ തെരഞ്ഞെടുപ്പ് പ്രചാരണത്തില്‍ ഉള്‍വലിഞ്ഞു നിന്നുവെന്നും യോഗത്തില്‍ ആരോപണം ഉയര്‍ന്നു. തെരഞ്ഞെടുപ്പ് അവലോകന യോഗത്തിലായിരുന്നു വിമര്‍ശനം.
സിപിഐഎം ആക്ടിംഗ് സെക്രട്ടറി എ വിജയരാഘവന്റെ നേതൃത്വത്തിലായിരുന്നു യോഗം. ഓരോ മണ്ഡലത്തിലേയും ചുമതലയുണ്ടായിരുന്ന നേതാക്കന്മാര്‍ റിപ്പോര്‍ട്ട് അവതരിപ്പിക്കുകയും അതിന്മേല്‍ ചര്‍ച്ച ചെയ്യുകയുമുണ്ടായി. ഇതില്‍ അമ്പലപ്പുഴ മണ്ഡലത്തിലെ പ്രവര്‍ത്തനങ്ങളാണ് ഏറ്റവും അധികം വിമര്‍ശന വിധേയമായത്. സുധാകരനെതിരെ എച്ച് സലാം അടക്കം രൂക്ഷ വിമര്‍ശനം നടത്തി.
കുടുംബയോഗങ്ങളില്‍ പോലും ദുഃസൂചന നല്‍രുന്ന പരാമര്‍ശം ജി സുധാകരന് നടത്തിയാതായാണ് ആരോപണം ഉയര്‍ന്നത്. സ്ഥാനാര്‍ത്ഥി നിര്‍ണയത്തില്‍ ഉള്‍പ്പടെ അസംതൃപ്തനാണെന്ന സൂചന നല്‍കുന്ന പ്രവര്‍ത്തനങ്ങളാണ് ജി സുധാകരന്റെ ഭാഗത്ത് നിന്നും ഉണ്ടായതെന്നും യോഗം വിമര്‍ശിച്ചു. അതിനിടെ തോമസ് ഐസക്കിനെ യോഗം അഭിനന്ദിക്കുകയും ചെയ്തു. തെരഞ്ഞെടുപ്പ് പ്രചാരണ പ്രവര്‍ത്തനങ്ങളില്‍ തോമസ് ഐസക് സജീവമായിരുന്നുവെന്നും യോഗം വിലയിരുത്തിയിട്ടുണ്ട്.
