രാജ്യത്ത് കൂടുതല്‍ കൊവിഡ് കേസുകള്‍ കര്‍ണാടകയില്‍

0

5,92,182 ആക്ടീവ് കേസുകളുമായി ഇന്ത്യയിലെ ഏറ്റവും കൂടുതല്‍ കൊവിഡ് കേസുകളുള്ള സംസ്ഥാനമായി കര്‍ണാടക. രണ്ടാം സ്ഥാനത്ത് നില്‍ക്കുന്ന മഹാരാഷ്ട്രയില്‍ 5,46,129 കേസുകളാണ് നിലവിലുള്ളത്. കര്‍ണാടകയില്‍ ഇന്നലെ മാത്രം റിപ്പോര്‍ട്ട് ചെയ്തത് 39,998 കോവിഡ് കേസുകളാണ്. 29.6 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 517 പേരാണ് കഴിഞ്ഞ ദിവസം മാത്രം മരിച്ചത്. മെയ് അവസാനത്തോടെ കേസുകള്‍ കുറക്കാനാകുമെന്നാണ് സര്‍ക്കാര്‍ വൃത്തങ്ങള്‍ സൂചിപ്പിക്കുന്നത്.

കര്‍ണാടകയില്‍ ഏപ്രില്‍ ആദ്യവാരം കുംഭമേളയില്‍ പങ്കെടുത്ത 67 വയസുള്ള സ്ത്രീയില്‍ നിന്ന് 33 പേര്‍ക്ക് കൊവിഡ് ബാധിച്ചതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തിരുന്നു. അതെസമയം വാക്‌സിനുകളുടെ ദൗര്‍ലഭ്യതയെ തുടര്‍ന്ന് 18 മുതല്‍ 44 വയസ് വരെ പ്രായമുള്ളവര്‍ക്ക് വാക്‌സിനേഷന്‍ താത്ക്കാലികമായി നിര്‍ത്തിവെക്കാന്‍ സര്‍ക്കാര്‍ തീരുമാനിച്ചു. സ്വാകര്യ ആശുപത്രിയില്‍ ഇത് ബാധകമല്ല. വാക്‌സിന്‍ പ്രതിസന്ധി കുറച്ചുകാലം കൂടി തുടരുമെന്നാണ് ചീഫ് സെക്രട്ടറി നല്‍കിയ സൂചന.