രാജ്യത്ത് ഒറ്റത്തവണ ഉപയോഗിക്കാന്‍ കഴിയുന്ന പ്ലാസ്റ്റിക്കുകള്‍ നിരോധിക്കുന്നു. രണ്ട് ഘട്ടമായി ആയിരിക്കും നിരോധനം ഏര്‍പ്പെടുത്തുക. ആദ്യ ഘട്ടം 2022 ജനുവരി ഒന്നിന് ആരംഭിക്കും. പ്ലാസ്റ്റിക് മാലിന്യം നാള്‍ക്കുനാള്‍ വര്‍ധിച്ചുവരുന്ന സാഹചര്യത്തിലാണ് നടപടി.
കേന്ദ്രത്തിന് കീഴിലുള്ള പ്രത്യേക സമിതിയാണ് തീരുമാനം എടുത്തിരിക്കുന്നത്. ഒററ്റത്തവണ ഉപയോഗിക്കുന്ന പ്ലാസ്റ്റിക് മാലിന്യങ്ങളുടെ ഉത്പാദനം നിര്‍ത്താനും തീരുമാനമായിട്ടുണ്ട്. ഒറ്റത്തവണ ഉപയോഗിക്കുന്ന പോളിത്തീന്‍ ബാഗുകളുടെ കുറഞ്ഞ ഗുണമേന്‍മ 50 മൈക്രോണില്‍ നിന്ന് 100 മൈക്രോണാക്കി ഉയര്‍ത്താനും തീരുമാനമായി. സെപ്തംബര്‍ 30 ഓടു കൂടി ഇക്കാര്യവും നടപ്പില്‍ വരും.
