തുരുവനന്തപുരം വിമാനത്താവള വിഷയത്തില്‍ നിയമനടപടിയുമായി മുന്നോട്ട് പോകാന്‍ സംസ്ഥാന സര്‍ക്കാര്‍ തീരുമാനം. ഇതിന്റെ ഭാഗമായി കേന്ദ്രസര്‍ക്കാര്‍ നടപടി സ്റ്റേ ചെയ്യണമെന്ന് ആവശ്യപ്പെട്ട് ഹൈക്കോടതിയെ സമീപിച്ചു.
വിമാനത്താവള സ്വകാര്യവത്ക്കരണത്തിനെതിരെ നേരത്തെ നല്‍കിയ അപ്പീലില്‍ പുതിയ ഉപഹര്‍ജിയാണ് സമര്‍പ്പിച്ചത്. അഡ്വക്കറ്റ് ജനറലിന്റെ ഉപദേശപ്രകാരമാണ് നടപടി. തിരുവനന്തപുരം വിമാനത്താവളം സംസ്ഥാന സര്‍ക്കാരിനെ ഏല്‍പ്പിക്കാതെ അദാനി ഗ്രൂപ്പിനെ എല്‍പ്പിക്കാനുള്ള തീരുമാനത്തിനെതിരെ കഴിഞ്ഞ ദിവസം സര്‍വകക്ഷി യോഗവും ചേര്‍ന്നിരുന്നു.
