റഷ്യയില്‍ നിന്നുള്ള കൊവിഡ് വാക്‌സിന്‍ സ്പുട്‌നിക് വി ഇന്ത്യയിലെത്തി. 27.9 ലക്ഷം ഡോസുകളാണ് എത്തിയത്. രാജ്യത്തേക്കുള്ള കൊവിഡ് വാക്‌സിനുകളുടെ ഏറ്റവും വലിയ ഇറക്കുമതിയാണ് ഇത്. 56.6 ടണ്‍ ഭാരമാണ് വാക്‌സിനുകള്‍ക്ക് ഉണ്ടായിരുന്നത്. പ്രത്യേക ചാര്‍ട്ടര്‍ വിമാനമായ ആര്‍യു-9450ല്‍ പുലര്‍ച്ചെ 3.43 ഓടെ ഹൈദരാബാദ് വിമാനത്താവളത്തിലാണ് വാക്‌സിനെത്തിയത്.
സ്പുട്‌നിക് വി വാക്‌സിന്‍ പ്രത്യേക ഊഷ്മാവിലാണ് സൂക്ഷിക്കേണ്ടത്. -20 ഡിഗ്രി സെല്‍ഷ്യസാണ് വാക്‌സിന്‍ സൂക്ഷിക്കേണ്ട ഊഷ്മാവ്.
അതിനിടെ രാജ്യത്ത് കൊവിഡ് വ്യാപനം കുറയുന്നു. 24 മണിക്കൂറിനിടെ 1,27,510 കൊവിഡ് കേസുകളാണ് റിപ്പോര്‍ട്ട് ചെയ്തത്. 2,795 പേരാണ് വൈറസ് ബാധിച്ച് മരണമടഞ്ഞത്. 54 ദിവസത്തിനിടെ റിപ്പോര്‍ട്ട് ചെയ്ത ഏറ്റവും കുറഞ്ഞ പ്രതിദിന രരണക്കാണിത്.
