അധികാരം കിട്ടിയാല്‍ തമിഴ്‌നാട്ടില്‍ പെട്രോള്‍, ഡീസല്‍ വില കുറക്കുമെന്ന് ഡിഎംകെയുടെ വാഗ്ദാനം. പെട്രോള്‍ വില അഞ്ചു രൂപയും ഡീസല്‍ വില നാലും കുറക്കുമെന്നാണ് ഡിഎംകെ മുഖ്യമന്ത്രി സ്ഥാനാര്‍ഥിയായ എം കെ സ്റ്റാലിൻ്റെ വാഗ്ദാനം.
ഇതിന് പുറമെ ഗാര്‍ഹിക സിലിണ്ടറിനും വില കുറക്കും. സിലിണ്ടറിന് 100 രൂപ സബ്‌സിഡി നല്‍കും. യുവാക്കള്‍ക്കായും സര്‍ക്കാര്‍ നിലപാടെടുക്കും. 30 വയസ്സിന് താഴെയുള്ളവരുടെ നിലവിലെ വിദ്യാഭ്യാസ വായ്പകള്‍ എഴുതി തള്ളും. തമിഴ്‌നാട്ടില്‍ മെഡിക്കല്‍ പ്രവേശനത്തിന് നീറ്റ് പരീക്ഷ റദ്ദാക്കാനുള്ള പ്രമേയം പാസ്സാക്കും.
അണ്ണാ ഡിഎംകെ മന്ത്രിമാരുടെ അഴിമതി കേസുകള്‍ വിചാരണ ചെയ്യാന്‍ തമിഴ്‌നാട്ടില്‍ പ്രത്യേക കോടതികള്‍ സ്ഥാപിക്കും. ജയലളിതയുടെ മരണ കാരണം അന്വേഷിക്കുന്ന കമ്മീഷൻ്റെ നടപടി വേഗത്തില്‍ ആക്കുമെന്നും സ്റ്റാലിന്‍ പറഞ്ഞു.
