രാഹുല്‍ ഗാന്ധി ഇന്ത്യയുടെ അന്തകനാണെന്ന് വിശേഷിപ്പിച്ച് കേന്ദ്ര ധനകാര്യ മന്ത്രി നിര്‍മല സീതാരാമന്‍. ഡൂംസ്‌ഡേ മാന്‍ ഓഫ് ഇന്ത്യ അഥവാ ഇന്ത്യയുടെ അന്തകന്‍ എന്നാണ് രാഹുല്‍ ഗാന്ധിയെ നിര്‍മല പരിഹസിച്ചിത്. അമ്മയും മകനും പാര്‍ട്ടി നടത്തുമ്പോള്‍ മകളും മരുമകനും സ്വത്ത് കൈകാര്യം ചെയ്യുകയാണെന്നും നിര്‍മല കുറ്റപ്പെടുത്തി. ധനമന്ത്രിയുടെ മോശം പരാമര്‍ശത്തിനെതിരെ കോണ്‍ഗ്രസ് അവകാശ ലംഘനത്തിന് നോട്ടീസും നല്‍കിയിട്ടുണ്ട്.
രാഹുലിന്റെ ‘നമ്മള് രണ്ട്, നമ്മുടെ രണ്ട്’ പരാമര്‍ശത്തിനെതിരെയാണ് ബജറ്റ് ചര്‍ച്ചയില്‍ നിര്‍മല മറുപടി നല്‍കിയത്. ന്നമള്‍ രണ്ട്, നമ്മുടെ രണ്ട് എന്നതിന്റെ അര്‍ത്ഥം രണ്ട് പേര്‍ പാര്‍ട്ടി നടത്തുന്നു. മറ്റ് രണ്ട് പേര്‍ മകളും മരുമകനും അവരെ നോക്കുന്നുവെന്നാണെന്നും ധനമന്ത്രി പരിഹസിച്ചു.
കോര്‍പറേറ്റുകള്‍ക്ക് വേണ്ടിയാണ് ബജറ്റ് നിര്‍ദ്ദേശമെന്ന കോണ്‍ഗ്രസിന്റെ ആരോപണത്തേയും ധനമന്ത്രി എതിര്‍ത്തു. ഒരു വര്‍ഷത്തിനിടെ 50 ലക്ഷം തെരുവു കച്ചവടക്കാര്‍ക്കാണ് നാം 10000 രൂപ വെച്ച് നല്‍കിയത്. അവരാരും തന്നെ ആരുടേയും ഉറ്റമിത്രമല്ലെന്നും കോര്‍പറേറ്റ് സുഹൃത്തുക്കള്‍ ജനം നിരാകരിച്ച ഒരു പാര്‍ട്ടിയുടെ നിഴലില്‍ ഒളിച്ചിരിക്കുന്നുണ്ടെന്നും അവര്‍ ടെണ്ടറുകളില്ലാതെയാണ് തുറമുഖങ്ങള്‍ സ്വകാര്യ കമ്പനിക്ക് കൈമാറിയതെന്നും മന്ത്രി കുറ്റപ്പെടുത്തി.
പ്രസ്താവനക്കെതിരെ ശക്തമായ പ്രതിഷേധമാണ് കോണ്‍ഗ്രസ് ഉയര്‍ത്തിയത്.യ കോണ്‍ഗ്രസ് എംപിമാര്‍ അവകാശ ലംഘനത്തിന് ധനമന്ത്രിക്കെതിരെ നനോട്ടീസ് നല്‍കുകയും ചെയ്തു. എന്നാല്‍ ലോക്‌സഭയുടെ ബജറ്റ് സമ്മേളനത്തിന്റെ ആദ്യ ഘട്ടം ഇന്നവസാനിച്ചു.
