ബിനീഷ് കൊടിയേരി ബിനാമികളെ ഉപയോഗിച്ച് സാമ്പത്തിക ക്രമക്കേട് നടത്തിയെന്ന് എന്‍ഫോഴ്‌സ്‌മെന്റ് ഡയറക്ടറേറ്റ്. ലഹരിക്കടത്ത് നടത്തുന്നവര്‍ക്ക് പണം നല്‍കി ബിനീഷ് കള്ളപ്പണം വെളിപ്പിച്ചെന്നും ഇഡി. എന്‍ഫോഴ്‌സ്‌മെന്റിന്റെ കുറ്റപത്രത്തിലാണ് ഇക്കാര്യങ്ങള്‍ വ്യക്തമാക്കുന്നത്.
ബിനീഷിനെതിരെയുള്ള കുറ്റപത്രം നിലവില്‍ തയ്യാറായിട്ടുണ്ട്. നിയമോപദേശം ലഭിച്ചാല്‍ കുറ്റപത്രം സമര്‍പ്പിക്കും. സര്‍ക്കാര്‍ കരാറുകള്‍ ലഭിക്കുന്നതിനുള്ള കണ്ണിയായി ബിനീഷ് കൊടിയേരി പ്രവര്‍ത്തിച്ചുവെന്ന് കുറ്റപത്രത്തില്‍ വ്യക്തമാക്കിയിട്ടുണ്ട്. ലഹരിക്കടത്ത് സംഘങ്ങള്‍ക്ക് ബിനീഷ് പണം നല്‍കിയിട്ടുണ്ടെന്നും ഇതിന് തെളിവുകള്‍ ലഭിച്ചതായും കുറ്റപത്രത്തില്‍ ഇഡി പറയുന്നു.
