സംസ്ഥാനത്ത് പരക്കെ കനത്ത മഴ. വരുന്ന 5 ദിവസം ഇടിയോടു കൂടിയ കനത്ത മഴ പെയ്യുമെന്ന് കാലാവസ്ഥ വകുപ്പ് മുന്നറിയിപ്പ് നല്‍കി. ഇതിന്റെ ഭാഗമായി രണ്ട് ജില്ലകളില്‍ ഓറഞ്ച് അലര്‍ട്ടും ഏഴ് ജില്ലകളില്‍ യെല്ലോ അലര്‍ട്ടും പ്രഖ്യാപിച്ചു. കൊല്ലം, ആലപ്പുഴ ജില്ലകളിലാണ് ഓറഞ്ച് അലര്‍ട്ട്. തിരുവനന്തപുരം, പത്തനംതിട്ട, കോട്ടയം, എറണാകുളം, ഇടുക്കി, തൃശൂര്‍, മലപ്പുറം, കോഴിക്കോട്, കണ്ണൂര്‍ ജില്ലകളിലാണ് യെല്ലോ അലര്‍ട്ട്.
അറബിക്കടലില്‍ ലക്ഷദ്വീപിനടുത്ത് രൂപം കൊണ്ട ന്യൂനമര്‍ദ്ദ ഫലമായാണ് മഴ പെയ്യുന്നത്. കവരത്തി ദ്വീപിന് അടുത്താണ് ന്യൂനമര്‍ദം രൂപം കൊണ്ടത്. തെക്കന്‍ ജില്ലകളിലാണ് മഴ കനക്കുക. കര്‍ണാടകം, മാഹി എന്നിവിടങ്ങളിലും മഴയുണ്ടാകും.
