ആടുപുലിയാട്ടം, പട്ടാഭിരാമൻ തുടങ്ങിയ ഹിറ്റ് സിനിമകളിലൂടെ ശ്രദ്ധ നേടിയ സംവിധായകൻ കണ്ണൻ താമരക്കുളം ആദ്യമായി അഭിനയിക്കുന്ന ചിത്രമാണ് മൊബീനിയ……
സൈക്കോയായി കണ്ണൻ താമരക്കുളം
സംവിധായകൻ കണ്ണൻ താമരക്കുളം നാല് വ്യത്യസ്ത വേഷങ്ങളിൽ എത്തി നോമോഫോബിയ എന്ന അസുഖത്തിനെ തുറന്നുകാട്ടുന്ന ഹ്രസ്വചിത്രം റിലീസായി. നിവിൻ ദാമോദരൻ സംവിധാനം ചെയ്തിരിക്കുന്ന ചിത്രത്തിന് ‘മൊബീനിയ’ എന്നാണ് പേരിട്ടിരിക്കുന്നത്. വെള്ളിയാഴ്ച്ച വൈകീട്ട് സൗത്ത് ഇന്ത്യയിലെ പ്രശസ്തരായ 100 പേരുടെ സോഷ്യൽ മീഡിയകളിലൂടെയാണ് മൊബീനിയയുടെ വമ്പൻ റിലീസ് നടന്നത്.
മൊബൈലിന്‍റെ അമിതമായ ഉപയോഗം കാരണം ഒരാളുടെ ജീവിതത്തിൽ എന്തൊക്കെ സംഭവിക്കാം എന്നു കാട്ടിത്തരുന്നതാണ് പ്രമേയം.
ശിവപ്രസാദ് ഒറ്റപ്പാലം ആണ് തിരക്കഥാകൃത്ത്.
നിർമാതാവും നടനുമായ മുഹമ്മദ് ഫൈസൽ, തിരക്കഥാകൃത്ത് എസ്.കെ വില്വൻ, അനീഷ് കട്ടപ്പന,അഭയ്,പി.എസ് മധു ആനന്ദ്, സുരേഷ് ബാബു, പ്രണവ് ആദിത്യ,രാമകൃഷ്ണൻ തിരുവില്വാമല,ഐതിഗ ഹണി, കാവ്യ ഗണേഷ്, ആർദ്ര ദാസ്, മാസ്റ്റർ അമ്പാടി, മാസ്റ്റർ അദ്വെെത് തുടങ്ങി നിരവധിപേരാണ് ചിത്രത്തിലുള്ളത്.
കൊല്ലൂർ മൂകാബിക, ഒറ്റപ്പാലം, തിരുവില്വാമല, കുത്താമ്പുള്ളി, പാമ്പാടി എന്നീവിടങ്ങളിലായാണ് സിനിമയുടെ ചിത്രീകരണം പൂർത്തിയാക്കിയത്. ഛായാഗ്രഹണം സജി ആലംങ്കോട്, രഞ്ജിത്ത് ചിനക്കത്തൂർ, സുധി അകലൂർ എന്നിവർ ചേർന്നാണ് നിർവഹിച്ചിരിക്കുന്നത്. സംഗീതം സാനന്ദ് ജോർജ്, മേക്കപ്പ് പ്രദീപ് രംഗൻ, പി.ആർ.ഒ സുനിത സുനിൽ എന്നിവർ നിര്‍വ്വഹിച്ചിരിക്കുന്നു.
