ഹിന്ദു പാരമ്പര്യ സ്വത്തില്‍ പെണ്‍കുട്ടികള്‍ക്ക് തുല്യാവകാശമെന്ന് സുപ്രീംകോടതി. ഹിന്ദു പിന്തുടര്‍ച്ച അവകാശ നിയമത്തിലാണ് സുപ്രീംകോടതി നിര്‍ണായക വിധി പ്രഖ്യാപിച്ചത്. ഹിന്ദു പിന്തുടര്‍ച്ച അവകാശ നിയമം പെണ്‍മക്കള്‍ക്കും തുല്യ അവകാശം ഉറപ്പാക്കുന്നുണ്ടെന്നും കോടതി നിരീക്ഷിച്ചു.
ജസ്റ്റീസ് അരുണ്‍ മിശ്ര അധ്യക്ഷനായ മൂന്നംഗ ബെഞ്ചിന്റേതാണ് വിധി. ആണ്‍മക്കള്‍ക്കും പെണ്‍മക്കള്‍ക്കും പാരമ്പര്യ സ്വത്തില്‍ തുല്യമായ അവകാശം ആണ്. അച്ഛന്‍ ജീവിച്ചിരിപ്പുണ്ടെങ്കിലും ഇല്ലെങ്കിലും അവകാശം ഒരു പോലെയാണ്. പെണ്‍മക്കള്‍ ജീവിതാവസാനം വരെയും തുല്യ അവകാശം ഉള്ള മക്കളാണെന്നും കോടതി പറഞ്ഞു.
