കോവിഡ് സാഹചര്യത്തില്‍ പരീക്ഷകള്‍ മാറ്റിവെച്ച് സാങ്കേതിക സര്‍വകലാശാല. ജൂലൈ ഒന്നുമുതല്‍ നടത്താനിരുന്ന എല്ലാ പരീക്ഷകളും മാറ്റിവെക്കാനാണ് സര്‍വകലാശാല തീരുമാനിച്ചത്. പ്രോ വൈസ് ചാന്‍സലര്‍ ഡോ. എസ് അയൂബിന്റെ അധ്യക്ഷതയില്‍ ചേര്‍ന്ന പരീക്ഷാ സ്റ്റാന്റിംഗ് കമ്മിറ്റിയാമ് പരീക്ഷകള്‍ മാറ്റിവെക്കാന്‍ തീരുമാനിച്ചത്.
വിദ്യാര്‍ഥികളും രക്ഷിതാക്കളും, സംഘടനകളും നല്‍കിയ പരാതികളും ആവശ്യങ്ങളും പരിഗണിച്ചാണ് തീരുമാനമെന്ന് വൈസ് ചാന്‍സലര്‍ ഡോ. എം എസ് രാജശ്രീ പറഞ്ഞു. ഭാവി നടപടികള്‍ തീരുമാനിക്കാന്‍ വിഷയം അക്കാദമിക കമ്മിറ്റിയുടെ പരിഗണനയ്ക്കായി സമര്‍പ്പിക്കുമെന്നും വൈസ് ചാന്‍സലര്‍ പറഞ്ഞു
