സംവരണം മൗലികാവകാശമല്ലെന്ന് സുപ്രീംകോടതി. സംവരണ ആനുകൂല്യങ്ങള്‍ ലഭിക്കാത്തത് മൗലിക അവകാശ ലംഘനമായി കാണാനാവില്ലെന്ന് സുപ്രീംകോടതി വ്യക്തമാക്കി. തമിഴ്‌നാട്ടിലെ മെഡിക്കല്‍ കോളേജുകളില്‍ 50 ശതമാനം ഒബിസി ക്വാട്ട നടപ്പാക്കണമെന്ന ഹര്‍ജിയിലാണ് സുപ്രീംകോടതിയുടെ നിര്‍ണായക പരാമര്‍ശം.
ഡിഎംകെ, കോണ്‍ഗ്രസ് തുടങ്ങിയ രാഷ്ട്രീയ പാര്‍ടികളാണ് സുപ്രീംകോടതിയില്‍ ഹര്‍ജി നല്‍കിയത്. ഹര്‍ജി പിന്‍വലിച്ച് മദ്രാസ് ഹൈക്കോടതിയെ സമീപിക്കാനായിരുന്നു കോടതി നിര്‍ദേശം. ജസ്റ്റീസ് എല്‍ നാഗേശ്വര്‍ റാവു അധ്യക്ഷനായ മൂന്നംഗ ബഞ്ചാണ് പരാമര്‍ശം നടത്തിയത്. ഒബിസി വിഭാഗങ്ങള്‍ക്ക് 50 ശതമാനം സംവരണം നീക്കിവെക്കാതെ യുജി, പിജി മെഡിക്കല്‍ കോഴ്‌സിലേക്ക് പ്രവേശനം നല്‍കാനുള്ള കേന്ദ്ര തീരുമാനത്തിനെതിരെയാണ് ഹര്‍ജി നല്‍കിയത്.
