കേരള ഫിഷറീസ് സമുദ്ര പഠന സർവ്വകലാശാലയിൽ (കുഫോസ്) വിവിധ പി.ജി കോഴ്സുകളിലേക്കുള്ള പ്രവേശന പരീക്ഷ ജൂൺ 27 ന് നടക്കും. തിരുവനന്തപുരം, കൊച്ചി, കോഴിക്കോട് എന്നിവിടങ്ങളിൽ പരീക്ഷാകേന്ദ്രം ഉണ്ടാകും. അപേക്ഷകർക്ക് കുഫോസ് അഡ്മിഷൻ പോർട്ടലായ www.admission.kufos.ac.in-ൽ നിന്നും ജൂൺ 20 മുതൽ ഹാൾ ടിക്കറ്റ് ഡൌൺലോഡ് ചെയ്യാം.
പരീക്ഷാകേന്ദ്രത്തിന് മാറ്റം വേണ്ടവർ registrar@kufos.ac.in. എന്ന വിലാസത്തിൽ ജൂൺ 15 ന് മുൻപ് ഇ-മെയിൽ അയക്കണം. ജൂലൈ ആദ്യവാരം പരീക്ഷാഫലം പ്രഖ്യാപിക്കും. ജൂലൈ 8 മുതൽ 13 വരെയുള്ള ദിവസങ്ങളിൽ പി ജി കോഴ്സുകളിലേക്കുള്ള പ്രവേശന നടപടികൾ പൂർത്തീകരിക്കാനാണ് ലക്ഷ്യമിടുന്നത് എന്ന് രജിസ്ട്രാർ ഡോ. ബി മനോജ് കുമാർ അറിയിച്ചു. പിഎച്ച്ഡി പ്രവേശന പരീക്ഷാ തിയ്യതി പിന്നീട് പ്രഖ്യാപിക്കും. വിശദവിവരങ്ങൾ അഡ്മിഷൻ പോർട്ടലിൽ ലഭ്യമാണ്.
