രണ്ടാം ദിനത്തില്‍ 9 പദ്ധതികള്‍ പ്രഖ്യാപിച്ച് ധനമന്ത്രി നിര്‍മല സീതാരാമന്‍. രണ്ടാംഘട്ടത്തില്‍ കണക്കിലെടുക്കുന്നത് സമൂഹത്തിലെ തീര്‍ത്തും ദുര്‍ബലരായവരെയും ദരിദ്രരായവരെയും.
സമസ്ത തൊഴില്‍ മേഖലയിലും മിനിമം കൂലി ഉറപ്പാക്കും
ഒരിന്ത്യ ഒരു കൂലി നടപ്പാക്കും
അടുത്ത മൂന്ന് മാസത്തിനുള്ളില്‍ ഒരു രാജ്യം ഒരു റേഷന്‍ കാര്‍ഡ് പദ്ധതി നടപ്പാക്കും
67 കോടി റേഷന്‍ കാര്‍ഡുകള്‍ ആഗസ്റ്റില്‍ മാറും. ഇന്ത്യയില്‍ എവിടെയും ഉപയോഗിക്കാം
തൊഴില്‍ മേഖലയില്‍ ലിംഗനീതി ഉറപ്പാക്കും. സമസ്ത മേഖലയിലും വനിതകള്‍ക്ക് പ്രവര്‍ത്തനാനുമതി
ഇതര സംസ്ഥാന തൊഴിലാളികള്‍, തെരുവ് കച്ചവടക്കാര്‍ എന്നിവര്‍ക്കായി നിരവധി പദ്ധതികള്‍
ഇതര സംസ്ഥാന തൊഴിലാളികള്‍ക്കായി മൂന്ന് പദ്ധതികള്‍. തെരുവ് കച്ചവടക്കാര്‍ക്കായി രണ്ട് പദ്ധതികള്‍
11002 കോടി രൂപ ഇതര സംസ്ഥാന തൊഴിലാളികളെ സഹായിക്കാന്‍ കൈമാറി
മടങ്ങിയെത്തുന്ന തൊഴിലാളികളെ ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെടുത്തും
അഭയ കേന്ദ്രങ്ങള്‍ക്ക് ഭക്ഷണം നല്‍കാനും തുക അനുവദിച്ചു
ഇതര സംസ്ഥാന തൊഴിലാളികള്‍ക്ക് അടുത്ത 2 മാസം കൂടി സൗജന്യ റേഷന്‍ വിതരണം. 5 കിലോ അരിയും (അല്ലെങ്കില്‍ ഗോതമ്പ്) ഒരു കിലോ കടലയും
ഇതര സംസ്ഥാന തൊഴിലാളികള്‍ക്കായി ന്യായമായ വാടകക്ക് താമസസൗകര്യം ഒരുക്കും. പ്രധാനമന്ത്രി ആവാസ് യോജന പദ്ധതി ഫണ്ട് ഇതിനായി ഉപയോഗിക്കും.
3 കോടി കര്‍ഷകര്‍ക്ക് മൂന്ന് മാസത്തേക്ക് മൊറട്ടോറിയം. 4.22 ലക്ഷം കോടി രൂപ ചെലവഴിച്ചു
കിസാന്‍ ക്രെഡിറ്റ് കാര്‍ഡിലൂടെ കഴിഞ്ഞ രണ്ടു മാസത്തിനിടെ 25 ലക്ഷം കര്‍ഷകര്‍ക്ക് 25000 കോടി രൂപ വിതരണം ചെയ്തു.
കര്‍ഷകര്‍ക്കും ഗ്രാമീണ സമ്പദ് വ്യവസ്ഥക്കും തുടര്‍ന്നും പണലഭ്യത ഉറപ്പുവരുത്തും
ഭവന നിര്‍മാണ മേഖലയില്‍ കൂടുതല്‍ നിക്ഷേപം
ഗ്രാമീണ ബാങ്കുകള്‍ക്കും സഹകരണ സംഘങ്ങള്‍ക്കും നബാര്‍ഡ് 30,000 കോടി രൂപ നല്‍കും
ജോലി സ്ഥലത്തെ സുരക്ഷാ മാനദണ്ഡങ്ങള്‍ നിര്‍ബന്ധമാക്കും
തൊഴിലാളികള്‍ക്ക് വാര്‍ഷിക ആരോഗ്യ പദ്ധതി
മഴക്കാലത്ത് സാധ്യമായ പ്രദേശങ്ങളില്‍ തൊഴിലുറപ്പ് പദ്ധതി നടപ്പാക്കും
പൊതു-സ്വകാര്യ പങ്കാളിത്തത്തോടെ പാര്‍പ്പിട സമുച്ചയങ്ങള്‍
മുദ്ര ശിശു വായ്പകള്‍ക്ക് ഒരു വര്‍ഷത്തേക്ക് 2 ശതമാനം പലിശ ഇളവ്.
വഴിയോര കച്ചവടക്കാര്‍ക്കായി പ്രത്യേക വായ്പ പദ്ധതി ഉടന്‍. 5000 കോടി രൂപ മാറ്റിവെക്കും. 10,000 രൂപ വരെ വായ്പ ലഭിക്കും
കിസാന്‍ ക്രെഡിറ്റ് കാര്‍ഡ് ആനുകൂല്യം മത്സ്യതൊഴിലാളി- മൃഗസംരക്ഷണ തൊഴിലാളികള്‍ അടക്കമുള്ളവര്‍ക്കും. വായ്പ നല്‍കാന്‍ രണ്ട് ലക്ഷം കോടി വകയിരുത്തി
ആദിവാസി – ഗോത്ര വിഭാഗങ്ങള്‍ക്ക് കൂടുതല്‍ തൊഴിലവസരങ്ങള്‍
