സംസ്ഥാനത്ത് ഏഴ് ജില്ലകളില്‍ കനത്ത മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. അഞ്ച് ദിവസം കനത്ത മഴയും ഇടിമിന്നലും ഉണ്ടാകുമെന്നാണ് മുന്നറിയിപ്പ്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി, എറണാകുളം ജില്ലകളാണ് മഴ ഭീഷണിയിലുള്ളത്. കേരള തീരത്ത് നിന്ന് കടലില്‍ മീന്‍പിടിത്തത്തിന് പോകരുതെന്നും അറിയിപ്പുണ്ട്. ഈ 7 ജില്ലകളില്‍ യെല്ലോ അലര്‍ട്ട് പ്രഖ്യാപിച്ചിരിക്കുകയാണ്.
ഇന്ന് രാത്രി മുതല്‍ മെയ് 15 വരെ ഇടിമിന്നലോടെ കനത്ത് മഴ പെയ്യാന്‍ സാധ്യതയുണ്ട്. ചിലയിടങ്ങളില്‍ പെട്ടെന്ന് കനത്ത കാറ്റും ഉണ്ടായേക്കും. 24 മണിക്കൂറില്‍ 64.5 മുതല്‍ 115.5 മില്ലീ മീറ്റര്‍ വരെ മഴയാണ് പ്രവചിക്കുന്നത്.
