ഏവിയേഷൻ രംഗത്തെ ജീവനക്കാർക്കായി കേരളത്തിൽ സംഘടനക്ക് രൂപം നൽകിയതായി റിപ്പബ്ലിക്കൻ പാർടി ഓഫ് ഇന്ത്യ ( അത്‌വാലെ ) സംസ്ഥാന അധ്യക്ഷൻ പി ആർ സോംദേവ്. റിപ്പബ്ലിക്കൻ ഫെഡറേഷൻ ഫോർ ഏവിയേഷൻ എംപ്ലോയീസ് ( റെഫ ) എന്ന സംഘടന വിഭാഗത്തിന് ദേശീയ തലത്തിലും, കേരളത്തിലും രൂപം നൽകിയിട്ടുണ്ട്.
ഏവിയേഷൻ രംഗത്ത് പ്രവർത്തിക്കുന്ന ജീവനക്കാരുടെ ക്ഷേമത്തിനുവേണ്ടിയാണ് സംഘടന രൂപീകരിക്കുന്നത്. ഏവിയേഷൻ രംഗത്ത് പ്രവർത്തിക്കുന്ന മുഴുവൻ ജീവനകാരുടെയും ക്ഷേമം, തൊഴിൽ നിയമങ്ങൾ സംബന്ധിച്ച വിഷയങ്ങൾ, ഇപ്പോൾ പ്രവർത്തിക്കുന്നവർക്കും, വിരമിച്ചവർക്കും വേണ്ടി വിവിധ സാംസ്‌കാരിക വേദികൾ സജ്ജമാക്കുക, എയർപോർട്ട്‌ അഡ്വൈസറി ബോർഡിൽ റെഫ യുടെ പ്രതിനിധ്യം ഉറപ്പുവരുത്തുക തുടങ്ങിയവ സംഘടന ലക്ഷ്യമിടുന്നു. വിരമിച്ചവർ ജീവനകാർ നിലവിൽ നേരിടുന്ന മെഡിക്കൽ, യാത്രാ പാസേജ് തുടങ്ങിയവയുമായി ബന്ധപെട്ട വിഷയങ്ങൾ, കേന്ദ്ര ഏവിയേഷൻ മന്ത്രാലയത്തിൻ്റെ സഹകരണം ഉറപ്പുവരുത്തി ജീവനക്കാർവേണ്ടി പുതിയ ക്ഷേമ പദ്ധതികൾ രൂപീകരിക്കുക എന്നിവയും പ്രവർത്തന മേഖലയാണ്.
റിപ്പബ്ലിക്കൻ പാർട്ടി ദേശീയ വൈസ് പ്രസിഡൻ്റ് നുസ്രത്ത് ജഹാനാണ് റെഫയുടെ നാഷണൽ കൺവീനർ. 24 വർഷത്തിലധികം വിവിധ എയർലൈൻ കമ്പനികളിൽ ദേശീയ തലത്തിൽ ഉയർന്ന മാനേജ്മെൻ്റ് ചുമതലകൾ വഹിച്ചിട്ടുള്ള വ്യക്തിയാണ് നുസ്രത്ത് ജഹാൻ. ഇന്ത്യയിൽ ആദ്യമായി എയർലൈൻ രംഗത്തേക്ക്‌ മതരാഷ്ട്രീയം മറികടന്ന് ജോലി ചെയ്യാൻ തയ്യാറായ പ്രഥമ മുസ്ലിം വനിത കൂടിയാണ്.
വി യു ജോസഫ് ആണ് സംസ്ഥാന കൺവീനർ. എയർ ഇന്ത്യയിൽ 30 വർഷത്തോളം പ്രവർത്തിച്ച വ്യക്തിയാണ്. മാനേജ്മെൻ്റ് റവലൂഷ്യൻ ടാഗ് വൺ, മാനേജ്മെൻ്റ് റവലൂഷ്യൻ ടാഗ് ടു എന്നീ മെമ്പർഷിപ്പ് ടാഗുകൾ നൽകിയാണ് റഫയുടെ പ്രവത്തനങ്ങൾ രൂപപെടുത്തിയിട്ടുള്ളത്. ഏവിയേഷൻ രംഗത്ത് നിന്ന് വിരമിച്ചിട്ടുള്ളവർക്കായി റെഫ (ആർ ) എന്ന പ്രത്യേക വിഭാഗവും മെമ്പർഷിപ്പും നൽകുന്ന ഉപസംഘടന ക്രമവും നിലവിൽ വന്നിട്ടുണ്ട്.
എറണാകുളത്ത് ചേർന്ന വാർത്താ സമ്മേളനത്തിൽ സംസ്ഥാന നേതാക്കളായ സിബിൻ ഹരിദാസ്, ഷഫീക്ക്‌ പാലക്കി, എൻ. സുനിൽകുമാർ കോഴിക്കോട്, പി കെ ബ്രിജേഷ്, സാബു കിഴക്കൂട്ട്, സുരേഷ് മാസ്റ്റർ എന്നിവരും പങ്കെടുത്തു.
