സ്വര്‍ണക്കടത്ത് കേസില്‍ ഉള്‍പ്പെട്ടവരെ സിപിഐഎം സംരക്ഷിക്കില്ലെന്ന് മന്ത്രി എംവി ഗോവിന്ദന്‍. നിയമവിരുദ്ധമായി പ്രവര്‍ത്തിക്കുന്നവരെ പാര്‍ട്ടി സംരക്ഷിക്കില്ല. ജനപങ്കാളിത്തോടെ ക്രിമിനല്‍ സംഘങ്ങള്‍ക്കെതിരെ പ്രതിരോധ തീര്‍ക്കുമെന്നും എംവി ഗോവിന്ദന്‍ വ്യക്തമാക്കി.
അതെസമയം, കരിപ്പൂര്‍ സ്വര്‍ണക്കടത്ത് കേസില്‍ പൊലീസ് തെരയുന്ന അര്‍ജുന്‍ ആയങ്കി 12 തവണ സ്വര്‍ണം കടത്തിയിട്ടുണ്ടെന്നും കസ്റ്റംസ് കണ്ടെത്തി. സ്വര്‍ണക്കടത്തില്‍ ടിപി ചന്ദ്രശേഖരന്‍ വധക്കേസ് പ്രതി കൊടി സുനിക്കും പങ്കുണ്ടോയെന്ന് അന്വേഷിക്കും. ഇയാള്‍ ജയിലിലരുന്ന് കള്ളക്കടത്തിനും സ്വര്‍ണ അപഹരണത്തിനും ചുക്കാന്‍ പിടിച്ചുവെന്നും പ്രാഥമിക വിവരം ലഭിച്ചിട്ടുണ്ട്.
