നിയമസഭ തെരഞ്ഞെടുപ്പ് അടുത്തിരിക്കെ തമിഴ്‌നാട് പ്രതിപക്ഷ പാര്‍ട്ടിയായ ഡിഎംകെ ഓഫീസുകളില്‍ ആദായ നികുതി വകുപ്പിന്റെ റെയ്ഡ്. ഡിഎംകെ നേതാവും പാര്‍ട്ടി അധ്യക്ഷന്‍ എംകെ സ്റ്റാലിന്റെ മരുമകനുമായ ശബരീശന്റെ ഉടമസ്ഥതയിലുള്ള നാല് സ്ഥലങ്ങളിലാണ് റെയ്ഡ് നടന്നത്. ശബരീശന്റെ വസതിയിലും റെയ്ഡ് നടന്നിട്ടുണ്ട്.
നേരത്തെ മുതിര്‍ന്ന ഡിഎംകെ നേതാവ് ഇവി വേലുവിന്റെ വസതിയിലും ഇന്‍കംടാക്‌സ് റെയ്ഡ് നടന്നിരുന്നു. എംകെ സ്റ്റാലിന്റെ കൂടെ തന്റെ മണ്ഡലമായ തിരുവണ്ണാമലയിലെ തെരഞ്ഞെടുപ്പ് പ്രചാരണത്തിനിടക്കാണ് റെയ്ഡ് നടന്നത്.
തെരഞ്ഞെടുപ്പിനിടെ അനധികൃത പണമിടപാട് നടക്കുന്നുവെന്ന വിവരം ലഭിച്ചതിന്റെ അടിസ്ഥാനത്തിലാണ് തെരച്ചില്‍ നടത്തിയതെന്ന് ഇന്‍കം ടാക്‌സ് വകുപ്പ് അറിയിച്ചു.
