വ്യാജ വോട്ടർമാർ കേരളത്തിലുണ്ടെന്ന പ്രതിപക്ഷ നേതാവ് രമേശ് ചെന്നിത്തലയുടെ പരാതിയിൽ കഴമ്പുണ്ടെന്ന് തെരഞ്ഞെടുപ്പ് കമ്മീഷൻ. ആദ്യം ലഭിച്ച അഞ്ച് മണ്ഡലങ്ങളിലെ പരാതികൾ ഒരു പരിധിവരെ ശരിയാണെന്ന് ടിക്കാറാം മീണ അറിയിച്ചു.
പരാതി ജില്ല കളക്ടർമാർക്ക് അയച്ചിട്ടുണ്ടെന്ന് അദ്ദേഹം പറഞ്ഞു. കൊവിഡ് ആയതിനാൽ അപേക്ഷകൾ നേരിട്ട് പരിശോധിച്ചില്ല. ഓൺലൈനിൽ ആണ് അപേക്ഷകൾ സ്വീകരിച്ചത്. ഒരേ പേര് വീണ്ടും വരുന്നതു ഇതാദ്യമായല്ലെന്നും മറ്റു സംസ്ഥാനങ്ങളിൽ ഉണ്ടെന്നും മീണ വ്യക്തമാക്കി. നിരവധി തവണ അപേക്ഷിച്ചത് പേര് ആവർത്തിക്കാൻ ഇടവരുത്തിയിട്ടുണ്ട്. ഇരട്ടിപ്പ് വന്നവരെ പൂർണമായി ഒഴിവാക്കാൻ പറ്റില്ല. കൂടുതൽ പേർക്കെതിരെ വിവിധയിടങ്ങളിൽ നടപടിയുണ്ടാകും. പരാതി ഇല്ലെങ്കിലും ഇരട്ട വോട്ട് നടക്കില്ലെന്ന് അദ്ദേഹം കൂട്ടിച്ചേർത്തു.
എന്നാൽ വോട്ടിരട്ടിപ്പുമായി ബന്ധപ്പെട്ട് തെരഞ്ഞെടുപ്പ് കമ്മീഷൻ അന്വേഷണം പ്രഖ്യാപിച്ചിട്ടുണ്ട്. ബൂത്ത് ലെവൽ ഓഫീസർമാർ നേരിട്ടെത്ത
പരിശോധന നടത്തും. അതെസമയം ഒന്നിലേറെ വോട്ട് കാർഡ് നൽകിയതുമായി ബന്ധപ്പെട്ട് ഉദുമ അസിസ്റ്റന്റ് ഇലക്ഷൻ ഓഫീസറെ സസ്പെൻഡ് ചെയ്തു.
