ഇന്ധന വിലയിലെ നികുതി കുറച്ച് ജനങ്ങളുടെ ബുദ്ധിമുട്ട് കുറക്കണം എന്നാവശ്യപ്പെട്ട് കെപിസിസി പ്രസഡണ്ട് സത്യാഗ്രഹം നടത്തും. 16ന് രാജ്ഭവന് മുന്നിലാണ് മുല്ലപ്പള്ളി രാമചന്ദ്രന്റെ സമരം.
ഇന്ധനവില വര്‍ധനവിനെതിരെ 14ന് വൈകീട്ട് വാര്‍ഡ് തലത്തില്‍ പന്തം കൊളുത്തി പ്രകടനവും യോഗങ്ങളും സംഘടിപ്പിക്കും. 16ന് ജില്ലാതലത്തില്‍ ഡിസിസികളുടെ നേതൃത്വത്തില്‍ പ്രതിഷേധ പരിപാടികള്‍ ഉണ്ടാകും. ഐശ്വര്യ കേരള യാത്രയുടെ സമാപനത്തിന് ശേഷം ജനകീയ പ്രക്ഷോഭം നടത്താനാണ് കോണ്‍ഗ്രസ് തീരുമാനം.
