കവലപ്രസംഗം നയപ്രഖ്യാപന പ്രസംഗമായി അവതരിപ്പിക്കാന്‍ കഴിയില്ലെന്ന പ്രഖ്യാപനമാണ് ഗവര്‍ണര്‍ പറയാതെ പറഞ്ഞതെന്ന് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. ഗവര്‍ണറുടെ അതൃപ്തി സംസ്ഥാന സര്‍ക്കാരിൻ്റെ മുഖത്തേറ്റ അടിയാണ്.
കേരളത്തിലെ പ്രതിസന്ധിക്ക് കാരണം കേന്ദ്രസര്‍ക്കാരാണ് എന്ന് വരുത്തി തീര്‍ക്കാനാണ് ശ്രമിക്കുന്നത്. ഇതിനായി നിയമസഭയെ ഉപയോഗിക്കുകയാണ്. നയപ്രഖ്യാപന പ്രസംഗത്തിലുള്ളത് അവാസ്തവമായ കാര്യങ്ങളാണ്. സ്വന്തം ഉത്തരവാദിത്തത്തില്‍ നിന്ന് ഒളിച്ചോടാനുള്ള ശ്രമമാണ് സംസ്ഥാന സര്‍ക്കാര്‍ നടത്തുന്നത്. പ്രതിപക്ഷം ഇതിന് കൂട്ടാണ്.
കേന്ദ്രസര്‍ക്കാരിനെതിരെ നടത്തിയ മനുഷ്യച്ചങ്ങല പൊളിഞ്ഞു. സമരം വിലപ്പോവില്ല. കര്‍ഷക ആത്മഹത്യ സംസ്ഥാനത്ത് പെരുകുകയാണ്. കേന്ദ്രത്തിനെതിരെ സമരം ചെയ്യാനുള്ള ധാര്‍മികത സംസ്ഥാന സര്‍ക്കാരിന് ഇല്ലെന്നും കെ സുരേന്ദ്രന്‍ പറഞ്ഞു.
