കാലത്തിൻ്റെ ഗതിവേഗത്തിൽ ചിലപ്പോൾ ചിലർക്ക് അറിയാതെ കാലിടറി പോകാറുണ്ട്. അതിൽ നിന്ന് അവിചാരിതമായി താങ്ങാവുന്ന കരങ്ങളാൽ പുനർജനിക്കാറുമുണ്ട്. അവയവദാനത്തിൻ്റെ മഹത്വം ജനങ്ങളിലെത്തിക്കാൻ ഒരു സിനിമ ഒരുങ്ങുകയാണ് – ‘ജീവാമൃതം’.
പ്രശസ്ത പ്രൊഡക്ഷൻ എക്‌സിക്യുട്ടീവായ അരവിന്ദൻ നെല്ലുവായ് ആണ് ചിത്രം സംവിധാനം ചെയ്യുന്നത്. അരവിന്ദൻ ഫെയ്‌സ് ഗാലറിയുടെ ബാനറിൽ പൊതുജന പങ്കാളിത്തത്തോടെ ഒരുക്കുന്ന ചിത്രത്തിൻ്റെ ക്യാമറ കൈകാര്യം ചെയ്യുന്നത് മണികണ്ഠൻ വടക്കാഞ്ചേരി ആണ്. അവയവം സ്വീകരിച്ചവരും നൽകിയവരും ഈ സിനിമയിൽ പങ്കാളികളാകുന്നുണ്ട്. ജീവാമൃതം എന്ന് പേരിട്ടിരിക്കുന്ന ചിത്രത്തിൻ്റെ ടൈറ്റിൽ പോസ്റ്റർ റിലീസ് ചെയ്തു.
