സിബിഎസ്ഇ പ്ലസ്ടു ക്ലാസ് മൂല്യ നിര്‍ണയ രീതിക്കെതിരെ സുപ്രിംകോടതിയില്‍ രക്ഷിതാക്കള്‍ ഹര്‍ജി സമര്‍പ്പിച്ചു. പുതുതായി പ്ലസ്ടു ക്ലാസില്‍ പഠിക്കുന്ന വിദ്യാര്‍ത്ഥികളുടെ രക്ഷിതാക്കളാണ് ഹര്‍ജി സമര്‍പ്പിച്ചത്. ഉത്തര്‍പ്രദേശിലെ പാരന്റ്‌സ് അസോസിയേഷനാണ് ഹര്‍ജി സമര്‍പ്പിക്കാന്‍ മുന്‍കൈയ്യെടുത്തത്. ഒരേ മത്സര പരീക്ഷകള്‍ക്ക് പങ്കെടുക്കേണ്ടി വരുമ്പോള്‍ തങ്ങളുടെ മക്കളുടെ അവസരങ്ങളെ ബാധിക്കുമെന്ന് രക്ഷിതാക്കള്‍ ഹര്‍ജിയില്‍ ഉന്നയിച്ചു.
കഴിഞ്ഞ ദിവസം സിബിഎസ്ഇ കംപാര്‍ട്ട്‌മെന്റ് പരീക്ഷകള്‍ റദ്ദാക്കെണമെന്ന് ആവശ്യപ്പെട്ട് വിദ്യാര്‍ത്ഥികള്‍ സുപ്രിംകോടതിയെ സമീപിച്ചിരുന്നു. 1152 വിദ്യാര്‍ത്ഥികശാണ് സുപ്രിംകോടതിയില്‍ ഹര്‍ജി സമര്‍പ്പിച്ചത്. 10, പ്ലസ്ടു ക്ലാസുകളിലെ കംപാര്‍ട്ട്‌മെന്റ്, പ്രൈവറ്റ്, റിപ്പീറ്റ് പരീക്ഷകള്‍ റദ്ദാക്കണമെന്നും നിലവിലെ മൂല്യ നിര്‍ണയ രീതി ഈ വിഭാഗത്തിനും നടപ്പിലാക്കണമെന്നും സമയബന്ധിതമായി ഫലം പ്രഖ്യാപിക്കണമെന്നും ഹര്‍ജിയില്‍ ആവശ്യപ്പെട്ടിരുന്നു.
