കുറഞ്ഞ സമയം കൊണ്ട് ഹിറ്റായ സമൂഹമാധ്യമമായ ക്ലബ്ബ് ഹൗസില്‍ കേരള പൊലീസും. ഫേസ്ബുക്കിലൂടെയാണ് ക്ലബ്ബ് ഹൗസില്‍ അക്കൗണ്ട് തുടങ്ങിയ കാര്യം പൊലീസ് അറിയിച്ചിരിക്കുന്നത്. ‘ നിങ്ങളെവിടെ പോയാലും കൂടെ ഞങ്ങളുമുണ്ടാ’കുമെന്നും എല്ലാവരും ഒപ്പം കൂടിക്കോയെന്നും പൊലീസ് പറയുന്നു. ക്ലബ്ബ് ഹൗസിന്റെ വര്‍ധിച്ചുവരുന്ന ജനപ്രീതിയെ ഉപയോഗപ്പെടുത്താനാണ് പൊലീസ് ലക്ഷ്യമിടുന്നത്.
ക്ലബ്ബ് ഹൗസിലെ വ്യാജ അക്കൗണ്ടിനെതിരെ സിനിമാ താരങ്ങള്‍ രംഗത്തെത്തിയിരുന്നു. ക്ലബ്ബ് ഹൗസ് പ്രചാത്തിലെത്തി അധികം വൈകാതെ തന്നെ സിനിമ താരങ്ങളായ സുരേഷ് ഗോപി, ദുല്‍ഖര്‍ സല്‍മാന്‍, പൃഥ്വിരാജ്, ടൊവിനോ തോമസ്, നിവിന്‍ പോളി, ആസിഫ് അലി, സാനിയ അയ്യപ്പന്‍ എന്നിവര്‍ വ്യാജ ഐഡികള്‍ക്കെതിരെ രംഗത്ത് വന്നിരുന്നു. തങ്ങളുടെ പേരില്‍ വ്യാജ ഐഡികള്‍ നിര്‍മ്മിച്ച് വിവിധ ഗ്രൂപ്പുകള്‍ ചര്‍ച്ചകളില്‍ സജീവമായതോട് കൂടിയാണ് സിനിമാ താരങ്ങള്‍ ഇതിനെതിരെ രംഗത്ത് വന്നത്.
