കൊവിഡ് രോഗികളുടെ എണ്ണത്തില്‍ കുറവില്ലാത്ത സാഹചര്യത്തില്‍ തമിഴ്‌നാട്ടില്‍ ലോക്ക്ഡൗണ്‍ നീട്ടി. മെയ് 31 വരെയാണ് നിയന്ത്രണങ്ങള്‍ നീട്ടിയത്.
ഇന്നും നാളെയും രാത്രി 9 മണി വരെ കടകള്‍ പ്രവര്‍ത്തിക്കാന്‍ അനുമതി നല്ഡകിയിട്ടുണ്ട്. ഈ രണ്ട് ദിവസം സംസ്ഥാനത്ത് പൊതുഗതാഗതവും ഉണ്ടായിരിക്കും. എന്നാല്‍ തിങ്കളാഴ്ച മുതല്‍ സമ്പൂര്‍ണ ലോക്ക്ഡൗണ്‍ ആയിരിക്കുമെന്ന് മുഖ്യമന്ത്രി എംകെ സ്റ്റാലിന്‍ അറിയിച്ചു.
സംസ്ഥാനത്തെ എടിഎമ്മുകളും പെട്രോള്‍ പമ്പുകളും തുറന്ന് പ്രവര്‍ത്തിക്കും. കാര്‍ഷിക ആവശ്യങ്ങള്‍ക്കുള്ള ഗതാഗതവും പാല്‍, പത്രം പോലെ ആവശ്യ സര്‍വീസുകളും അനുവദിക്കും.
