ഈവർഷത്തെ മൂന്നാമത്തെ ബാങ്ക് പണിമുടക്ക് അടുത്ത മാസം. ശമ്പള വര്‍ധന ഉള്‍പ്പെടെ വിവിധ ആവശ്യങ്ങള്‍ ഉന്നയിച്ച് ബാങ്ക് ജീവനക്കാര്‍ ആഹ്വാനം ചെയ്ത ത്രിദിന പണിമുടക്ക് മാര്‍ച്ച് 11 മുതല്‍ 13 വരെയാണ്. ബാങ്ക് എംപ്ലോയീസ് ഫെഡറേഷന്‍ ഓഫ് ഇന്ത്യയും ആള്‍ ഇന്ത്യ ബാങ്ക് എംപ്ലോയീസ് അസോസിയേഷനുമാണ് സമരം ചെയ്യുന്നത്.
ബുധനാഴ്ച മുതല്‍ വെളളിയാഴ്ച വരെയാണ് സമരം. 14 രണ്ടാം ശനിയാഴ്ചയാണ്. അന്ന് ബാങ്കുകള്‍ക്ക് അവധിയാണ്. 15-ാം തീയതി ഞായറാഴ്ചയും 10 ചൊവ്വാഴ്ച ഹോളിയുമാണ്. ഈ ദിവസങ്ങളിലും ബാങ്കുകള്‍ പ്രവര്‍ത്തിക്കില്ല. 9-ാം തീയതി തിങ്കളാഴ്ച മാത്രമാണ് ആ ആഴ്ചയില്‍ ഇടപാടുകള്‍ നടക്കുക.
ജനുവരി എട്ടിനും ജനുവരി 31 ഒന്ന് തീയതികളിലും പണിമുടക്കിയിരുന്നു. ഇന്ത്യന്‍ ബാങ്ക്സ് അസോസിയേഷന്‍ 12.5 ശതമാനം ശമ്പള വര്‍ധന മുന്നോട്ടുവച്ചു എങ്കിലും ഇത് യൂണിയനുകള്‍ക്ക് സ്വീകാര്യമല്ല.
