ലോക് ഡൌണിനെ തുടർന്ന് അടച്ച കേരള ഫിഷറീസ് സമുദ്ര പഠന സർവ്വകലാശാല (കുഫോസ്) വെള്ളിയാഴ്ട ( മെയ് 24) മുതൽ തുറന്ന് പ്രവർത്തനം ആരംഭിക്കും . സർക്കാർ നിർദ്ദേശങ്ങൾ പാലിച്ചുകൊണ്ട് മൂന്നിൽ ഒന്ന് ജീവനക്കാരെ നിയോഗിച്ചുകൊണ്ടായിരിക്കും സർവ്വകലാശാല ഓഫിസുകൾ പ്രവർത്തിക്കുക.
ഇതിന് മുന്നോടിയായി സർവ്വകലാശാല ആസ്ഥാന മന്ദിരവും ഫിഷറീസ് ഫാക്കൽറ്റി വിഭാഗവും, മാനേജ്മെന്റ് , ഓഷൻ സയൻസ് സ്കൂളുകളും ആരോഗ്യവകുപ്പ് അധികൃതരുടെ മാനദണ്ഡപ്രകാരം ശൂചീകരിച്ചതായി കുഫോസ് രജിസ്ട്രാർ ഡോ.ബി.മനോജ് കുമാർ അറിയിച്ചു. തൃപ്പൂണിത്തൂറ ഫയർ ആൻറ് റെസ്ക്യൂസ്റ്റേഷനിലെ ഉദ്യോഗസ്ഥരാണ് ശൂചീകരണ പ്രവർത്തനങ്ങൾ നടത്തിയത്. ഫയർസ്റ്റേഷൻ ഓഫിസർ കെ.ഷാജി നേതൃത്വം നൽകി.
ഓഫിസ്സുകൾ വെളളിയാഴ്ച പ്രവർത്തനം ആരംഭിക്കുമെങ്കിലും സർക്കാർ നിർദ്ദേശം
ലഭിക്കുന്ന മുറയ്ക്ക്ക് മാത്രമേ സാധാണ നിലയിലുള്ള അധ്യയനം തുടങ്ങൂ. അതുവരെ ഇപ്പോഴുള്ളതുപോലെ ഓൺലൈൻ ക്ളാസ്സുകൾ തുടരും. കർഷകർക്കുള്ള മാർഗ്ഗനിർദ്ദേശങ്ങളും രോഗബാധ നിയന്ത്രിക്കുന്നതിനുള്ള പരിഹാരമാർഗ്ഗങ്ങളും
ഓൺലൈനായും ഫോണിലൂടെയും വെള്ളിയാഴ്ച മുതൽ നൽകും.
