രാജ്യതലസ്ഥാനത്ത് കൊവിഡ് രോഗികളുടെ എണ്ണത്തില്‍ കുറവ്. ഇന്ന് 131 പേര്‍ക്കാണ് രോഗം സ്ഥിരീകരിച്ചത്. ടെസ്റ്റ് പോസിറ്റിവിറ്റി നിരക്ക് 0.22 ശതമാനമായി കുറഞ്ഞു. 59,556 സാമ്പിളുകളാണ് ഇന്ന് പരിശോധിച്ചത്. 24 മണിക്കൂറിനിടെ കൊവിഡ് ബാധിച്ച് 16 മരണം കൂടി സ്ഥിരീകരിച്ചു.
നിലവില്‍ 3,226 പേരാണ് കൊവിഡ് ബാധിച്ച് ചികിത്സയിലുള്ളത്. 14,31,270 പേര്‍ക്കാണ് ആകെ കൊവിഡ് ബാധിച്ചത്. 24,839 പേര്‍ ആകെ മരിച്ചു.
ഡല്‍ഹിയില്‍ ഇതുവരെ 60,87,028 ഡോസ് വാക്‌സിനുകളാണ് നല്‍കിയത്. ഇതില്‍ 46,44,127 പേര്‍ക്ക് ആദ്യ ഡോസ് നല്‍കി. 14,42,901 പേര്‍ക്ക് രണ്ട് ഡോസും നല്‍കാന്‍ കഴിഞ്ഞെന്ന് അധികൃതര്‍ അറിയിച്ചു.
