തിരുവനന്തപുരം ജില്ലയിലെ കൊവിഡ് പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കുന്നതിന്റെ ഭാഗമായി ജില്ലാ പഞ്ചായത്തിന്റെ കൊവിഡ് ഹെല്‍പ് സെന്റര്‍ നാളെ പ്രവര്‍ത്തനമാരംഭിക്കും. ജില്ലാ പഞ്ചായത്ത് കാര്യാലയത്തിലാണ് അവശ്യ സേവനങ്ങള്‍ ലഭ്യമാക്കുന്നതിനുള്ള ഹെല്‍പ് സെന്റര്‍ സജ്ജമാക്കിയിരിക്കുന്നത്.
കളക്ഷന്‍ സെന്ററിലേക്ക് അവശ്യവസ്തുക്കളായ മാസ്‌ക്, സാനിറ്റൈസര്‍, സോപ്പ്, കൈയുറകള്‍, പിപിഇ കിറ്റ്, മരുന്നുകള്‍, ഭക്ഷണം, മറ്റ് അവശ്യവസ്തുക്കള്‍ തുടങ്ങിയവ പൊതുജനങ്ങള്‍ക്ക് സംഭവാന ചെയ്യാം. ലോക്ക്ഡൗണ്‍ കാലയളവില്‍ ഭക്ഷണം, ചികിത്സ, മരുന്ന്, അടിയന്തര ആംബുലന്‍സ് സേവനം തുടങ്ങിയ സേവനങ്ങള്‍ ഹെല്‍പ് സെന്റര്‍ വഴി ജനങ്ങള്‍ക്കും ലഭ്യമാക്കും.
ജില്ലയിലെ 73 ഗ്രാമപഞ്ചായത്തുകള്‍ക്കും ജില്ലാ പഞ്ചായത്ത് സഹായകേന്ദ്രത്തിന്റെ സേവനം പ്രയോജനപ്പെടുത്താമെന്ന് ജില്ലാ പഞ്ചായത്ത് സെക്രട്ടറി അറിയിച്ചു. ഹെല്‍പ് സെന്റര്‍ നമ്പര്‍ 0471 2550750
