സംസ്ഥാനത്ത് കൊവിഡ് വ്യാപനം അതി രൂക്ഷമായ സ്ഥിതിയില്‍ ആരോഗ്യവകുപ്പിന്റെ കോള്‍ സെന്റര്‍ പുനഃരാരംഭിച്ചു. 0471 2309250, 2309251,2309252,2309253, 2309254, 2309255 എന്നിങ്ങനെയാണ് കൊവിഡ് 19 കോള്‍ സെന്ററിന്റെ നമ്പറുകള്‍.
കോള്‍ സെന്ററില്‍ വരുന്ന കോളുകള്‍ക്ക് സംശയ ദുരീകരണം നടത്തുകയും ലഭിക്കുന്ന പ്രധാന വിവരങ്ങള്‍ നടപടികള്‍ക്കായി വിവിധ ജില്ലകളിലേക്കും വിവിധ വകുപ്പുകളിലേക്കും കൈമാറുകയും ചെയ്യും.
രോഗികളുടെ എണ്ണം കൂടിയതിനാല്‍ കൊവിഡിനെക്കുറിച്ചുള്ള പൊതുജനങ്ങളുടെ സംശയങ്ങളും ചോദ്യങ്ങളും ഫലപ്രദമായി കൈകാര്യം ചെയ്യാന്‍ ആരോഗ്യവകുപ്പിലെ ജീവനക്കാരെ പരിശീലനം നല്‍കി നിയമിച്ചിട്ടുണ്ട്.
