ഇടതുമുന്നണിക്ക് വോട്ട് ചെയ്ത സംസ്ഥാനത്തെ ജനങ്ങളെ അഭിവാദ്യം ചെയ്ത് മുൻ മുഖ്യമന്ത്രി വി എസ് അച്യുതാനന്ദൻ. ഇടതുപക്ഷത്തിൻ്റെ തുടർഭരണം ഉറപ്പാക്കിയിരിക്കുകയാണ് ജനങ്ങൾ.
വലതുപക്ഷ രാഷ്ട്രീയത്തിൻ്റെ ജീർണത തിരിച്ചറിഞ്ഞ ജനങ്ങൾ ഇടതുപക്ഷമാണ് ശരി എന്ന് വിധിയെഴുതിക്കഴിഞ്ഞു. സംഘപരിവാർ രാഷ്ട്രീയത്തിന് കേരളത്തിൻ്റെ മണ്ണിൽ ഇടമില്ല എന്നാണ് മനസ്സിലാക്കാന് കഴിയുന്നത്. വൻ ഭൂരിപക്ഷത്തോടെ ഇടതുപക്ഷത്തെ പിന്തുണച്ച കേരളത്തിലെ ജനങ്ങളോടുള്ള കൃതജ്ഞത രേഖപ്പെടുത്തുന്നതായും വിഎസ് ഫേസ്ബുക്കിൽ പറഞ്ഞു.
