അഗ്നിരക്ഷാ വകുപ്പിൻ്റെയും കേരള സിവിൽ ഡിഫൻസിൻ്റെയും ആഭിമുഖ്യത്തിലുള്ള സൈക്ലത്തോണുകൾ ആരംഭിച്ചു. തിരുവനന്തപുരത്തുനിന്നും കോഴിക്കോടു നിന്നുമാണ് സൈക്ലത്തോണുകൾ ആംഭിച്ചത്. ദേശീയ അഗ്നിരക്ഷാ വാരാഘോഷത്തിൻ്റെ ഭാഗമായി ഇന്നു രാവിലെയാണ് ആരംഭിച്ചത്.
കോഴിക്കോട് മീൻചന്ത ഫയർ സ്റ്റേഷനിൽ ഇന്ന് രാവിലെ നടന്ന ചടങ്ങിൽ കോഴിക്കോട് റീജനൽ ഫയർ ഓഫീസർ ടി രജീഷ് സൈക്ലത്തോണിൻ്റെ ഫ്ലാഗ് ഓഫ് നിർവഹിച്ചു. കോഴിക്കോട് ഡി എഫ്ഒ മൂസ വടക്കേതിൽ, സ്റ്റേഷൻ ഓഫീസർ ടി.വി. വിശ്വാസ്, കോഴിക്കോട് സിവിൽ ഡിഫൻസ് ചീഫ് വാർഡൻ സിനീഷ്, എറണാകുളം ഡിവിഷനൽ വാർഡൻ ബിനു മിത്രൻ തുടങ്ങിയവർ പങ്കെടുത്തു.
കൊച്ചി ഐഎഡബ്ള്യൂസിആർ ഡയറക്ടറും റീജനൽ ഫയർ ഓഫീസറുമായ എംജി രാജേഷ് ആണ് കോഴിക്കോട് നിന്നുള്ള സൈക്ലത്തോൺ ടീമിൻ്റെ റൈഡ് കമാൻഡർ . മട്ടാഞ്ചേരി സ്റ്റേഷനിലെ സ്റ്റേഷൻ ഓഫീസർ പ്രേംനാഥ് ആണ് റൈഡ് ലീഡർ.
അഗ്നിരക്ഷാ വകുപ്പിലെയും സിവിൽ ഡിഫൻസിലെയും സൈക്കിളിസ്റ്റുകൾ പങ്കെടുക്കുന്ന സൈക്ലത്തോണുകൾ വിവിധ ജില്ലകളിലൂടെ സഞ്ചരിച്ച് 17 ന് രാവിലെ കൊച്ചിയിൽ സംഗമിക്കും.
ദേശീയ ഫയർ സർവീസ് ഡേയുടെ ഭാഗമായി അഗ്നിസുരക്ഷയും മുൻകരുതലുകളും ആയി ബന്ധപ്പെട്ട ബോധവൽക്കരണത്തിൻ്റെ ഭാഗമായാണ് ഇത്തരത്തിലൊരു പരിപാടി സംഘടിപ്പിച്ചിരിക്കുന്നത്. കോവിഡ് മാനദണ്ഡങ്ങൾ പാലിച്ച് വനിതകൾ ഉൾപ്പെടെയുള്ള സിവിൽ ഡിഫൻസ് വോളൻ്റിയർമാരും സൈക്ലത്തോണിൽ പങ്കു ചേരുന്നുണ്ട്.
