സംസ്ഥാനത്ത് കൊവിഡ് വാക്സിന് ക്ഷാമമുണ്ടെന്ന് ആരോഗ്യമന്ത്രി കെകെ ശൈലജ. രണ്ട് ദിവസത്തേക്കുള്ള വാക്‌സിനാണ് സ്‌റ്റോക്കുള്ളത്. ഇന്ന് വാക്‌സിനെത്തിയില്ലെങ്കില്‍ വാക്സിന് ക്യാമ്പുകളുടെ പ്രവര്‍ത്തനം അവതാളത്തിലാകുമെന്നും ആരോഗ്യമന്ത്രി അറിയിച്ചു.
താല്ക്കാലിക ക്രമീകരണത്തിന്റെ ഭാഗമായി സ്റ്റോക്കുള്ള ജില്ലകളില്‍ നിന്നും മറ്റിടങ്ങളിലേക്ക് വാക്സിന് എത്തിക്കാനുള്ള ശ്രമങ്ങളും നടത്തി വരുന്നുണ്ട്. കൊവിഡ് വ്യാപനത്തിന്റെ പശ്ചാത്തലത്തില്‍ സ്ഥിതിഗതികള്‍ വിലയിരുത്താന്‍ ചീഫ് സെക്രട്ടറി ഇന്ന് ഡിഎംഒമാരുമായും ജില്ലാ കളക്ടര്‍മാരുമായും യോഗം വിളിച്ചിട്ടുണ്ട്.
എന്നാല്‍ കൊവിഡ് രോഗികളുടെ എണ്ണം വര്‍ധിക്കുന്ന പശ്ചാത്തലത്തില്‍ നിയന്ത്രണങ്ങള്‍ കര്‍ക്കശമാക്കാന്‍ കോഴിക്കോട് ജില്ലാ ഭരണകൂടം തീരുമാനിച്ചു. കണ്ടെയ്ന്‍മെന്റ് സോണില്‍ ആള്‍ക്കൂട്ടം ഒഴിവാക്കാനുള്ള നിര്‍ദ്ദേശങ്ങളും നല്‍കിയിട്ടുണ്ട്. വാക്‌സിനേഷനും പരിശോധനയും വര്‍ധിപ്പിക്കാനും തീരുമാനിച്ചു.
ബീച്ച് ഉള്‍പ്പടെയുള്ള വിനോട സഞ്ചാര കേന്ദ്രങ്ങളില്‍ വൈകീട്ട് 5 മണിക്ക് ശേഷം പ്രവേശനാനുമതി ഉണ്ടായിരിക്കില്ല. രണ്ടാഴ്ചത്തേക്ക് പൊതുയോഗങ്ങള്‍ പാടില്ലെന്നും കണ്ടെയ്ന്‍മെന്റ് സോമില്‍ ഒരു തരത്തിലുമുള്ള കൂടിച്ചേരലുകള്‍ അനുവദിക്കില്ലെന്നും അറിയിച്ചിട്ടുുണ്ട്. നിയന്ത്രണങ്ങള്‍ കര്‍ശനമായി പാലിക്കണമെന്നാമ് മന്ത്രിയും കളക്ടറും പങ്കെടുത്ത യോഗത്തില്‍ തീരുമാനമായത്.
