കണ്ണൂര്‍ പാനൂരിലെ സംഘര്‍ഷ മേഖലകളില്‍ സമാധാന സന്ദേശയാത്രയുമായി എല്‍ഡിഎഫ്. മുസ്ലിം ലീഗ് പ്രവര്‍ത്തകന്‍ മന്‍സൂര്‍ കൊല്ലപ്പെട്ട മുക്കില്‍പീടികയിലടക്കം ഇന്ന് പൊതുയോഗം സംഘടിപ്പിക്കും. കസേിലെ മുഴുവന്‍ പ്രതികളേയും ഉടന്‍ പിടികൂടണമെന്നാവശ്യപ്പെട്ട് യൂത്ത് ലീഗ് കണ്ണൂരില്‍ ഇന്ന് പ്രതിഷേധ സംഗമവും നടത്തും.
മുക്കില്‍ പീടിക, സംഘര്‍ഷമുമ്ടായ കടവത്തൂര്‍, പെരിങ്ങത്തൂര്‍ എന്നിവിടങ്ങളിലൂടെയാണ് എല്‍ഡിഎഫിന്റെ സമാധാന സന്ദേശ യാത്ര ഇന്ന് നടക്കുക. മൂന്ന് സ്ഥലങ്ങളിലും പൊതുയോഗങ്ങള്‍ സംഘടിപ്പിക്കും.
മന്‍സൂര്‍ വധക്കേസുമായി ബന്ധപ്പെട്ട് സിപിഐഎം പ്രതിരോധത്തിലായതിന് പിന്നാലെയാണ് പൊതുയോഗങ്ങള്‍ സംഘടിപ്പിക്കാന്‍ തീരുമാനിച്ചത്. സിപിഐഎം പ്രാദേശിക നേതാക്കളും പ്രവര്‍ത്തകരുമാണ് പ്രതിപട്ടികയിലുള്ളത്. സംഭവവുമായി ബന്ധപ്പെട്ട് പാര്‍ട്ടി നിലപാട് പ്രവര്‍ത്തകരെ ബോധ്യപ്പെടുത്തുകയെന്നതാണ് സിപിഐഎമ്മിന്റെ ലക്ഷ്യം.
