കടല്‍ക്കൊലക്കേസില്‍ നഷ്ടപരിഹാരത്തുക സുപ്രിംകോടതിയില്‍ കെട്ടിവെച്ച ശേഷം മാത്രമേ നടപടികള്‍ അവസാനിപ്പിക്കുകയുള്ളൂവെന്ന് സുപ്രിംകോടതി. പത്ത് കോടി രൂപ നഷ്ടപരിഹാരം കോടതിയില്‍ കെട്ടിവെക്കാന്‍ ചീഫ് ജസ്റ്റിസ് എസ്എ ബോബ്‌ഡെ അധ്യക്ഷനായ ബെഞ്ച് ഉത്തരവിട്ടു.
കേസ് നടപടികള്‍ അവസാനിപ്പിക്കും മുമ്പ് നഷ്ടപരിഹാരത്തുക കെട്ടിവെക്കണമെന് കേരളത്തിന്റെ ആവശ്യത്തെ തുടര്‍ന്നാണ് നടപടി. വിദേശ കാര്യ മന്ത്രാലയത്തിന്റെ അക്കൗണ്ടില്‍ നഷ്ടപരിഹാരത്തുക മൂന്ന് ദിവസത്തിനികം സുപ്രിംകോടതിയില്‍ കെട്ടിവെക്കാമെന്ന് സോളിസിറ്റര്‍ ജനറല്‍ തുഷാര്‍ മേത്ത വ്യക്തമാക്കി. കേസ് ഈ മാസം 19ന് വീണ്ടും പരിഗണിക്കും.
