ചൊവാഴ്ച നടക്കുന്ന നിയമസഭാ തിരഞ്ഞെടുപ്പ് പുതിയ കേരളത്തിനായുള്ള നിർണായക ചുവട് വെപ്പാണെന്ന് ബിജെപി സംസ്ഥാന പ്രസിഡൻ്റ് കെ സുരേന്ദ്രൻ. എൻഡിഎ ഉയർത്തിയ പുതിയ കേരളം മോദിക്കൊപ്പം എന്ന മുദ്രാവാക്യം കേരളം ഏറ്റെടുത്തു കഴിഞ്ഞു.
ആറുപതിറ്റാണ്ടായി കേരളം മാറി മാറി ഭരിക്കുന്ന ഇരുമുന്നണികളിൽ നിന്നുമുള്ള മാറ്റത്തിന് ജനം ആഗ്രഹിക്കുന്നു. അഴിമതിയും പ്രീണനവും വികസനന മുരടിപ്പും അവസാനിപ്പിച്ച് ഒരു പുതിയ കേരളം സൃഷ്ടിക്കാനാണ് എൻഡിഎ ശ്രമിക്കുന്നത്. ഏഴു വർഷക്കാലത്തെ കേന്ദ്രത്തിലെ നരേന്ദ്രമോദി സർക്കാരിൻ്റെ വികസന നേട്ടങ്ങളാണ് ദേശീയ ജനാധിപത്യ സഖ്യത്തിൻ്റെ ഉറപ്പ്. എല്ലാ വോട്ടർമാരും പുതിയ കേരളത്തിന് വേണ്ടി വോട്ട് ചെയ്യണമെന്ന് അഭ്യർത്ഥിക്കുന്നതായും അദ്ദേഹം പറഞ്ഞു.
