എൻ്റെ കേരളം മെഗാ മേളയിലെ രണ്ടാം ദിനം തൃശൂർ വടക്കുന്നാഥ ക്ഷേത്ര മൈതാനിയിൽ സംഗീത സാന്ദ്രമായി… ഭാവഗായകൻ പി ജയചന്ദ്രൻ്റെ അനുസ്മരണാർത്ഥം മലർവാക കൊമ്പത്ത് അരങ്ങേറി.
ജയരാജ്‌ വാര്യരുടെ നേതൃത്വത്തിൽ നടന്ന സംഗീത നിശയിൽ ഭാവഗായകൻ്റെ ഓർമകളും കോർത്തിണക്കിയപ്പോൾ കാഴ്ചക്കാർക്ക് പുതിയൊരു അനുഭവം സൃഷ്ടിച്ചു.
മലയാളികൾ ഹൃദയത്തോടു ചേർത്ത് കൊണ്ടുനടക്കുന്ന പി ജയചന്ദ്രൻ ഹിറ്റ്‌ ഗാനങ്ങൾ കാഴ്ച്ചക്കാരുടെ മനസ്സിൽ വേനൽ മഴ പോലെ പെയ്തിറങ്ങി.
സംഗീത സാന്ദ്രമായ രാവ് ആയിരങ്ങള്‍ ഏറ്റുവാങ്ങി. പി ജയചന്ദ്രൻ്റെ ഓർമകളുടെ നാട്ടിലേക്കുള്ള സംഗീത യാത്രയായി മാറി ഓരോ ഗാനവും.
ഇന്ദുലേഖ വാര്യർ, എടപ്പാൾ വിശ്വനാഥൻ, ചലച്ചിത്ര പിന്നണി ഗായകൻ മനോജ്‌, റീന മുരളി തുടങ്ങിയവർ ഗാനങ്ങൾ ആലപിച്ചു. തേക്കിൻകാട് മൈതാനം പി ജയചന്ദ്രൻ്റെ ഓർമ്മയിൽ സംഗീതത്തിൻ്റെ പൂരപ്പറമ്പായി മാറി.
