കേന്ദ്ര യുവജന കാര്യ മന്ത്രാലയം, മേരാ യുവ ഭാരത് വഴി രാജ്യത്തിൻ്റെ വിവിധ ഭാഗങ്ങളിലുള്ള യുവാക്കൾക്ക് അതിർത്തി ഗ്രാമങ്ങൾ അടുത്തറിയാൻ അവസരം നൽകുന്നു. ലേഹ് ലഡാക്ക്, ഹിമാചൽ പ്രദേശ്, ഉത്തരാഖണ്ഡ് എന്നീ സംസഥാനങ്ങളിലെ ഗ്രാമങ്ങളിൽ 10 ദിവസം താമസിച്ചു പഠിക്കാനും സേവന പ്രവർത്തനങ്ങൾക്കും “വികസിത് വൈബ്രൻ്റ് വില്ലേജ് പ്രോഗ്രാം” എന്ന പേരിൽ അറിയപ്പെടുന്ന പരിപാടിയിലൂടെയാണ് അവസരം ഒരുക്കുന്നത്.
യുവജനകാര്യം, ഗ്രാമ വികസനം, സാംസ്‌കാരിക വിനിമയം, സാമൂഹ്യ സേവന മേഖലകളിൽ പ്രവർത്തിക്കാൻ താത്പര്യമുള്ള ശാരീരിക ക്ഷമതയുള്ള 21നും 29നും ഇടയിൽ പ്രായപരിധിയിലുള്ള യുവതീ യുവാക്കൾക്കാണ് അവസരം. നെഹ്‌റു യുവ കേന്ദ്ര, എൻ എസ് എസ് , എൻ സി സി, സ്കൗട്സ് ആൻഡ് ഗൈഡ്സ് വൊളൻ്റിയർർമാർക്ക് മുൻഗണന ലഭിക്കും.
മേരാ യുവ ഭാരത് പോർട്ടലിൽ 2025 വരെ മെയ് മൂന്നു വരെ രജിസ്റ്റർ ചെയ്യാം. മെയ് 15 മുതൽ മെയ് 30 വരെയുള്ള പരിപാടിയിൽ കേരളത്തിൽ നിന്ന് 15 പേർക്കും ലക്ഷദ്വീപിൽ നിന്നു 10 പേർക്കുമാണ് അവസരം. കൂടുതൽ വിവരങ്ങൾക്ക് അതത് ജില്ലകളിലുള്ള നെഹ്‌റു യുവ കേന്ദ്ര ജില്ലാ യൂത്ത് ഓഫീസർമാരുമായോ എൻ എസ് എസ് പ്രോഗ്രാം ഓഫീസർമാരുമായോ ബന്ധപ്പെടണം. ഫോൺ: 7558892580
