ക്രിസ്ത്യന്‍, നാടാര്‍ സമുദായത്തെ പിന്നോക്ക വിഭാഗങ്ങളുടെ പട്ടികയില്‍ ഉള്‍പ്പെടുത്താനുള്ള തീരുമാനത്തിന് പച്ചക്കൊടി വീശി മന്ത്രിസഭായോഗം. ഇതനുസരിച്ച് ഉന്നത വിദ്യാഭ്യാസ കോഴ്‌സുകള്‍, എന്‍ട്രന്‍സ് എന്നിവക്ക് സോഷ്യോ ഇക്കണോമിക് ബാക്ക്വേഡ് കമ്മ്യൂണിറ്റി പട്ടികയില്‍ ഉള്‍പ്പെടുത്തും. ഇതിന് ആവശ്യമായ ഉത്തരവുകള്‍ പുറപ്പെടുവിച്ച് അടിയന്തരമായി നടപ്പിലാക്കുന്നതിന് പിന്നോക്ക വിഭാഗ ക്ഷേമം, ഉന്നത വിദ്യാഭ്യാസം ഉള്‍പ്പടെയുള്ള വകുപ്പുകള്‍ എന്നിവക്ക് നിര്‍ദ്ദേശം നല്‍കുന്നതിനും തീരുമാനമായി. മുമ്പ് ഈ വിഭാഗങ്ങളെ ഒബിസി പട്ടികയില്‍ ഉള്‍പ്പെടുത്തി ഉദ്യോഗസ്ഥ നിയമനത്തില്‍ സംവരണാനുകൂല്യം നനല്‍കുന്നതിന് മന്ത്രിസഭയോഗം തീരുമാനിച്ചിരുന്നു.
കൊച്ചി മെട്രോയുടെ കലൂര്‍ കാക്കനാട് പാതക്ക് ഭൂമിയേറ്റെടുക്കല്‍ വേഗത്തിലാക്കുമെന്നും, തീരദേശ പാത രണ്ട് വര്‍ഷത്തിനുള്ളില്‍ യാഥാര്‍ത്ഥ്യമാക്കുമെന്നും തുടങ്ങിയ തീരുമാനങ്ങളും മന്ത്രിസഭ യോഗത്തില്‍ ഇന്നുണ്ടായി. കൊച്ചിയിലെ സംയോജിത ജലഗതാഗത പദ്ധതിക്ക് 1064.83 കോടി രൂപയുടെ പതുക്കിയ ഭരണാനുമതി നല്‍കുന്നതിനുള്ള തീരുമാനവും ഇന്നെടുത്തു.
