സംസ്ഥാനത്ത് മദ്യ വില്പന നാളെ മുതല്‍ ആരംഭിക്കും. ബെവ്ക്യൂ ആപ്പ് ഒഴിവാക്കിയാണ് മദ്യ വില്പന നടത്തുക. ബെവ്‌കോ ഔട്ട്‌ലെറ്റുകളില്‍ നേരിട്ടെത്തി മദ്യം വാങ്ങാന്‍ സാധിക്കും. സാമൂഹിക അകലം ഉറപ്പ് വരുത്തണമെന്നാണ് നിര്‍ദ്ദേശിച്ചിരിക്കുന്നത്. ഇവ പാലിക്കുന്നതിനായി പൊലീസ് സാന്നിധ്യം ഉറപ്പാക്കും.
ബാറുകള്‍ തുറക്കുമെങ്കിലും ഇരുന്ന് കഴിക്കാന്‍ അനുമതി നല്‍കിയിട്ടില്ല. ബെവ്‌കോ നിരക്കിലായിരിക്കും ബാറുകളിലും മദ്യം വില്‍ക്കുക. മദ്യശാലകള്‍ അണുവിമുക്തമാക്കാനും ബെവ്‌കോ നിര്‍ദ്ദേശം നല്‍കി.
