തൃശൂര്‍ ചേലക്കര എസ്എംടി സ്‌കൂളില്‍ 81 ബി ബ്ലോക്കില്‍ വോട്ട് ചെയ്യാനെത്തിയ വയോധികന് വോട്ട് ചെയ്യാനായില്ല. അബ്ദുള്‍ ബുഹാരി എന്ന വൃദ്ധനാണ് ഈ ദുരനുഭവമുണ്ടായത്. വയോധികന് മരിച്ചുവെന്നാണ് റിപ്പോര്‍ട്ടില്‍ കാണുന്നതെന്ന് ഉദ്യോഗസ്ഥര്‍ പറഞ്ഞു. അബ്ദുള്‍ ബുഹാരി ബൂത്തിന് മുമ്പില്‍ കുത്തിയിരിുന്നുവെന്നും വിവരം ലഭിച്ചു.
അതെസമയം ചേലക്കര പഴയന്നൂര്‍ പൊറ്റയില്‍ മറ്റൊരു വയോധികനും വോട്ട് ചെയ്യാന്‍ കഴിഞ്ഞില്ല. പനയാംപാടത്ത് മാധവന്‍ ബൂത്തില്‍ എത്തിയപ്പോഴാണ് പോസ്റ്റല്‍ വോട്ട് ചെയ്തതായി പ്രിസൈഡിങ് ഓഫിസര്‍ അറിയിച്ചത്. തുടര്‍ന്ന് വോട്ട് ചെയ്യാന്‍ കഴിയാതെ വരികയായിരുന്നു. പോസ്റ്റല്‍ വോട്ട് അനുവദിക്കുകയോ പോസ്റ്റല്‍ വോട്ട് ചെയ്യുകയോ ചെയ്തിട്ടില്ലെന്ന് കാണിച്ച് ഇദ്ദേഹം പ്രിസൈഡിംഗ് ഓഫീസര്‍ക്ക് പരാതി നല്‍കിയിട്ടുണ്ട്.
