സംസ്ഥാനത്തെ ന്യൂനപക്ഷ വിദ്യാര്‍ഥി സ്‌കോളര്‍ഷിപ്പിനുള്ള അനുപാതം പുനഃക്രമീകരിക്കാന്‍ സംസ്ഥാന മന്ത്രിസഭ യോഗം തീരുമാനിച്ചു. ഹൈക്കോടതി വിധി അനുസരിച്ചാണ് തീരുമാനം.
2011ലെ സെന്‍സസ് പ്രകാരം ജനസംഖ്യാടിസ്ഥാനത്തിലാകും പുനഃക്രമീകരണം നടക്കുക. സെന്‍സസ് പ്രകാരം മുസ്ലീം 26.56, ക്രിസ്ത്യന്‍ 18.38, ബുദ്ധര്‍ 0.01, സിഖ് 0.01, ജൈനര്‍ 0.01 എന്നിങ്ങനെയാണ് ശതമാന കണക്ക്.
പുനക്രമീകരിച്ചാലും നിലവില്‍ ആനുകൂല്യങ്ങള്‍ ലഭിക്കുന്ന വിഭാഗങ്ങള്‍ക്ക് ഇപ്പോഴത്തെ പോലെ തന്നെ കിട്ടും. എണ്ണത്തിലോ തുകയിലോ കുറവുണ്ടാകില്ല. കൂടാതെ സ്‌കോളര്‍ഷിപ്പിനായി 23.51 കോടി ആവശ്യമുള്ളതില്‍ ബജറ്റ് വിഹിതം കഴിച്ച് 6.2 കോടി രൂപ അധികമായി അനുവദിക്കാനും മന്ത്രിസഭ യോഗം തീരുമാനിച്ചിട്ടുണ്ട്. നേരത്തെ 80: 20 എന്ന ക്രമത്തിലായിരുന്നു ഫണ്ട് അനുവദിച്ചിരുന്നത്.
